||￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣||
|| 威廉先生奇遇記重生版 第九話 之 ｡ ∧＿∧ ||
|| 狗狗乖 ~ 請勿嚇我 ~ ＼ （´･ω・`） ||
|| 恤衫西褲加波鞋 ? 叔叔請問你搞乜 ? ⊂ ⊂ ）~ ||
||＿＿＿＿＿＿＿＿＿＿＿＿＿＿＿＿＿＿＿＿＿＿|￣威廉先生。￣|＿||
￣￣￣￣￣￣￣￣
嗯 , 今次事件係發生o係我跑步O既時候 .........
跑步經驗 : 講真 , 真係冇 , 到今日為止先認真跑得果兩次 , 仲要行多過跑 ....
運動經驗 : 籃球 , 羽毛球 , 間唔中游水
==============================
上星期五 24 JUL 2009 , 人生第一次認真咁跑 , 跑前熱身只係行左一圈 , 因為自己有做開運動 , 所以冇乜點刻意拉根 , 計好時間之後 ( 我用比自己平時行快小小o既步速測試 ) , 時間大約係 4 分鐘 , 然後因為自己平日有做下運動 , 所以膽粗粗測試一次跑一圈時間 , 時間係 2:09 , 正當滿心歡喜準備進入第二圈 , 以為自己成績唔錯o既時候 , 問題就出現喇 : 腳軟 , 然後行左三圈 , 算係回一回氣 , 之後再跑一圈 , 時間 keep 到 2:13 , 之後又行左 3 圈 , 我就決定收工喇 , 因為真係頂唔順 , 對腳好似唔見左咁 ...
經過第一次咁沙膽o既測試 ( 太睇小跑步o既威力 ) , 尋日星期二進行第二次跑 , 目標係一次過跑完 3 圈 , 不過今次係慢跑 , 時間 keep 住 3:30 左右 ( 唔好太駁嘛 ~ 我唔想上頭條 ... ) , 跑左兩圈半 , 問題又再一次出現 , 又係腳軟 ... 不過今次好 d , 行左兩圈就回到氣喇 , 可以跑多 1 圈半先停 , 然後我又做左一個對自己唔多人道 , 但係又幾有挑戰性o既玩法俾自己 , 首先我選擇左一個o係我前面冇幾遠o既慢跑人士 ( 佢真係慢跑 , 千奇唔好簡個快o既 ~ 費事追唔到自悲嘛 ~ ) , 然後係定目標 , 目標係 : 唔超前 , 唔放甩 , 保持距離 , 跑到幾多係幾多 ~
e 個方法有到好 , 因為有挑戰性嘛 ~ 不過一圈之後我又投降喇 , 因為我又搵唔到對腳 =_=" 正當我諗住休息下 , 又跑多一圈就收工O既時候 , 突然眼前一亮 :
西裝叔叔亂入 !!!
因為跑步位置係工廠區入面O既球場 , 開頭都以為果位叔設係趕住做野所以先跑過 E 個範圍 , 點知 ... 一圈 , 兩圈 , 三圈 ... 吓 !? 叔叔 , 你著到咁離跑 ? 想局死自己定係想嚇親人 ? 我著住一身籃球 LOOK 去跑都唔算太理想啦~ 你仲 KICK 手 , 恤衫西褲加波鞋 ? 真係俾你嚇一嚇 ~
西裝叔叔消失左之後 , 我又一次意圖或企圖衝破體力上限 , 再跑一圈 , OK ~ 出發 ~
跑著 , 跑著 , 嗯 ~ 自身感覺良好~ 慢跑果然係幾舒服 ( 如果唔係O係工廠區入面跑的話 ) , 涼風一過 , 精神百倍 ~ 突然 , 從後一股氣勢直迫背門 , 直覺告訴我 : 讓路啦~ 你讓路啦~~~ ( 龍婆 !? )
OK ~ 慢車靠左丫嘛 ~ 我知~ 我有車牌 WOR ~
就O係 E 個時候 , 出事喇 ~ 真係出事喇 ~ OK ~ 等大家估下發生咩事先 ~~ 5 ~ 4 ~ 3 ~ 2 ~ 1 ~ 夠鐘 ~~~~ 咪就係標題果隻狗狗 LOR ~ 我向左一靠 , 目標人物快步走過 , 突然 , 左手模到一件毛神神O既東西 , 我心諗 , 唔係有邊個同事咁大整估 , 突登O係公司走過離嚇我掛 ~ 就O係果一個咁o既剎那間 , 醒起 , 公司入面知我開始跑步O既 , 得兩個人 JA BOR ~ 佢地都仲未收工 , 唔係撞野掛 ~ ( 注意 , 前後應該未夠 5 秒 )
拿拿拿 , 係咪呢 ~ 都話左唔好八掛架啦~ 呀媽都有教過架啦~ 八掛冇益加嘛 ~
一望 , 嘩 ~ 差 D 叫左出離 , 一隻黃色傻狗傻傻地咁望住我 , 大佬 , 我生平最怕流浪狗 , 某程度上離講係有小小怕狗 , 失驚無神咁大隻O係我左邊出現 , 仲要好似跑馬咁跟住我 , 同我玩拍跳 ! 又係果句小說最興 : 心臟差點沒嚇停 ~
OK ~ OK ~ 你乖乖地咁走開呀下~ OK ~ 慢慢來~ 唔駛急 ~
我同果隻傻傻地O既狗對望左一眼 , 佢走開左 , 我就呆左 , 呼吸亂左 , 對腳軟左 ... 最後一圈咁就俾你破壞左~ 好野 ~ 糖呢就兩茶匙 ~ 再加多小小暈暈地TIM ~
OK ~ 我收工 LOR ~ 走 LOR ~ 嚇到我面都青埋為乜呢 ~ 唉 ...
OK ~ 我唔會死心架 ~ 我星期四會再離過架 ~ 你咪出離就得喇 ~ 要出都唔好嚇親我 ~ OK ~
咪先 ~ E 加都星期四喇 BOR ~ 哈哈 ~ ( 過左 12 點喇~ )
==============================
題外話 :
我所指O既圈有幾大呢 ? 嗯... 闊係一個足球場 加 10 - 15M 左右 , 長係兩個足球場o既闊度加一個籃球場長度 , 再加 15 - 20M 咁上下啦~ 即咁即係幾長 ? 我都唔多清楚 BOR :P
原來跟住人地個節奏跑, 個感覺會輕鬆 D ~
原來跑步聽歌會對呼吸節奏有些少影響 ~
原來專心跑步果時會聽唔到 D 歌唱緊乜 ...
原來跑步係唔可以俾人引你發笑 OR 俾狗嚇 ~ 真係會即時見暈同埋冇力 ... ( 呼吸亂左嘛 ~ )
今日買左隻 CASIO SGW-200 唔錯唔錯 ~ 真係好多功能 ~ 正 ~ 哈哈 ~
有個關於跑步O既討論區唔錯 , 好多有用資訊 ~ 有興趣參與跑步運動O既朋友可以去睇睇 : 香港長跑網討論區 http://www.longrun.hk/forum/index.php
好~ 廢話完畢 , 下次再寫 XD
文章
0 留言:
發佈留言