威廉先生奇遇記重生版 第五話 之 回憶中的學校生活 , 超市內的加減乘除

~ 上傳‧分享‧網賺 ~

~ 免費上傳空間‧請即申請 Freak Share ~

~ 進入後請點選左上角 注冊 ! ~

||￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣||
||　　　　威廉先生奇遇記重生版 第五話 之　　 　｡　　∧＿∧　　　　||
||　　　　 　回憶中的學校生活 　　　　　 　　 　＼ （´･ω・`）　　 　||　
||　　　　　　　超市內的加減乘除　　　　　　　　⊂　⊂　）~　 　||
||＿＿＿＿＿＿＿＿＿＿＿＿＿＿＿＿＿＿＿＿＿＿|￣威廉先生。￣|＿||
　　　　　　　　　　　　　　　　　 　　　　　 ￣￣￣￣￣￣￣￣
有人說 , 超市可以慳錢 , 我說哦 ~ 慳錢 !? 先要看看你的加減乘除功力有多少 !

正所謂 " 細時唔讀書 , 大時做運輸 " , 我細個唔鐘意讀書 , 一讀書就恰眼訓 , 真係想好成績都幾難 . 記得細個讀書時候 , 成日都會問老師 ~

我 : 老師 ~ 老師 ~ 請問 , 我學學埋埋咁多 SIN , COS 什麼什麼 , 第時做野有咩用架 ??

老師 : AR ... UM ...

我 : 老師 ~ 老師 ~ 我學埋學埋咁多 元素 , 第時做野果 D 同化學冇關 , 咁我學離做咩架 ??

老師 : AR ... UM ...

我 : 老師 ~ 老師 ~ 我學木工 , 第時唔係做 " 鬥木 " , 咁我學離做咩架 ??

老師 : AR ... UM ...

我 : 老師 ~ 老師 ~ 我咁咁咁 ... 咁咁咁 ... 老師 ~ 老師 ~ 咁咁咁 ... 咁咁咁 ...

就係咁 , 我就成為左老師心目中的一個問題學生 .

到左某一年 , 我又再一次問一位老師 , 果個老師個答案簡直就係一言驚醒夢中人 ~

老師 : 為左考試 !

咁多老師入面 , 有幾科我真係唔多敢問 , 唔係因為怕左佢 , 而係因為我唔識真係好大件事 , 果幾科分別係 : 中文 , 英文 , 數學 同 電腦 .

嗯 , 中文 , 盲字都唔識多隻 ... 英文 , 識講識聽唔識寫 ... 數學 , 加減乘除 ONLY ... 電腦 , 學得最多 , NETWORK , PROGRAMMING 等等等等

近幾年 , 香港經濟唔好 , 物價高漲 , 真係慳得就慳 , 廣告都有講 : 慳得一蚊係一蚊 , 日子一日難過過一日 , 早兩日 , 真係難得心情好 , 去左 " 威路琴 " 入貨上倉 , 去到發現 , 今時今日 " 五香肉丁 " 同 " 午餐肉 " 居然係富貴食物 ... 細路仔果時都仲係冇錢先食佢 , 今日係有錢先好買 ...

去得 " 威路琴 " , 就預左大手買入 , 睇睇銀包 ~ 嗯 , 有三百個大洋 ~ 可以買得開心 D .

推住手推車 , 一路行 , 這個 : 12 蚊 5 件 , 那個 10 蚊 3 件 , 這個 1 件 7.5 , 那個 1 件 8.2 ...

OH ~~~ NO ~~~~ 乜得 E 加 D 野咁貴 ... 唔通我真係食米唔知米貴 ?

一路行一路行 , 突然 ~

眼錢金光閃閃 ~ 童年回憶由腦海裡浮現眼前 ~ 一個大字 ! 福 !

正呀 ~ 福麵 ~ 好耐冇食過喇 ~ 買多少食下先 ~

===== ETV 時間 =====

一睇 , 1 包 2.6 元 , 5 包優惠裝 12.9 元 , 小朋友 , 咁即係邊個平 D 呢 ?

乜加下買野都要考加減乘除架咩 ? 好在唔係叫我計佢 D 乜角物角 , 加減乘除完全冇難度啦 ~ 屈指一算 ...

5 * 2.6 = 13 , 12.9 / 5 = 2.58 , 即係話 5 包裝平均一包係 2.58 元 , 比單獨買平左兩仙 ...

小朋友 : 哦 ~~~ 原來係咁O既 ~~~~~~

===== ETV 時間 =====

兩仙 !? 我開頭真係諗住 , 買 5 包散 , 一句講曬 : 我就大你一毫子 ~ 你吹咩 ~~~

但係諗諗下 , 小數怕長計 , 5 * 0.02 = 0.1 , 嘩 ~ 成毫架 WOR ~ 咁就唔係喇 ~ 廣告話慳得一蚊係一蚊 , 我就話慳得一毫係一毫 ~

滿載而歸 ~ 滿心歡喜番屋企 , 一望到果 5 包福麵 , 突然又O係到諗 ... 唔買 , 咪慳左 12 個 9 LOR ... 頂 ... 早知唔去 " 威路琴 " SHOPPING ...