||￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣||
|| 威廉先生奇遇記重生版 第六話 之 ｡ ∧＿∧ ||
|| 玩到冇野玩 ＼ （´･ω・`） ||
|| 今次玩 … 即時記錄 ⊂ ⊂ ）~ ||
||＿＿＿＿＿＿＿＿＿＿＿＿＿＿＿＿＿＿＿＿＿＿|￣威廉先生。￣|＿||
￣￣￣￣￣￣￣￣
早幾日 , 買左一部恨左好耐o既電腦 , ASUS EEEPC 901 , 首先 , 我唔係要曬命 , 哈哈 ( 唔多唔小有 d 啦 ~ ) , 而係想借 d 咦到處遊歷 , 隨處寫 blog , 今編文章寫o既時候 , 正正就發生緊牌皇牌后論牌 .
武俠片最鐘意華山論劍 , 現實生活最常見唔係年青人談論遊戲理論 , 就係牌皇牌后論牌 .
一字寄字曰 : 煩 !
現場格局出現三娘教子 , 三位太太與一大叔 .
( 即時記錄 !! )
太太 1 號 : 九張就咩都要包架啦 ~
太太 2 號 : 係喇 ~ 就係咁喇 ~ 何況 12 張 !? 咩都要包啦 ~
大叔 : 係人都知架啦 ~
太太 1 號 : 拿 , 咁呢 , 你就坐 e 到 , 你就坐 e 到 , 咁你咁樣打隻紅中 , 咁咁咁 … 咁咁咁 …
太太 2 號 : 唉 ~~ 你聽我講啦 ~~~ 咁咁咁 … 咁咁咁 …
太太 1 號 : 拿 ~ 果 d 錢呀 , 你就拿拿林捐左佢啦 ~ 起碼佢地就煩小 d ~ 咁咁咁 … 咁咁咁 …
大叔 : 再唔係咪齊齊食左佢 lor ~
太太 3 號 ( 應該係當事人 ) : 我冇所謂架 ~ 都冇諗過要 , 又唔係好多錢 ! 點點點 … 點點點 …
唉 ~ 打牌打得你地咁煩 , 真係唔好打罷啦 ~ 正如我 d 朋友o係我身邊 , 不停咁講遊戲機 ~ 玩 ! 係真係好玩 , 唔好玩我都唔玩啦 ~ 但係都唔係起勢講掛 ~ 如果起勢咁講 , 我情願唔出聲 …
突然 !
太太 3 號 : 唉 ~ 真係唔明 , 五六個女人o係到唱我 ~
太太 1 號 : 唉 , 你捐左 d 錢出去 , 就乜事都冇架喇 !
太太 2 號 : 簡而清果本書呀 , 佢都話呀 , 咁咁咁 … 咁咁咁 …
太太 1 號 : 嘩 ~ 咁果本書咪 … 咁咁咁 … 咁咁咁 …
太太 3 號 : 真係要搵果本書俾佢地班女人睇先得 … 咁咁咁 … 咁咁咁 …
唔得喇 ~ 我真係頂你地唔順 , 幾位真係談得興高采烈 , 但係你地真係嘈到我頭痛 =_=”
算喇 ~ 懶得再理你地 .
周圍望 … 周圍望 …
是日晚上 , 美女欠奉 =_="
眼前突然出現兩位大叔
兩位大叔好努力 … 刨馬經 ( or 波經 ) 咁上下 , 正所謂 , 十個香港人 , 九個都知乜野係香港腳 , 其中一位大叔突然伸出手 , 細細把玩其腳指 …
what the … f … f … fu … fuc … k ….
果個位我今世都會記住 , 打死都唔會坐 !
另一個大叔突然走左去買野食 , 有薯條 !
玩腳大叔一見薯條 , 真係好似如獲至寶 , 起勢就咬 …
突然 …
靠 ! 呀叔 , 你會唔會得人驚左小小呢 ~ 你果頭把玩你 d 腳指 , 果到又用番果隻手拎野食 ?? 你真係冇野呀馬 ~ 你真係當左 “ 大菌食細菌 , 細菌當補品 ” 係真正o既道理 ??
阿彌陀佛 ~ 大叔 , 我祝你好運 …
( 即時記錄結束 !! )
三娘教子仲未完 … 大叔仲係好 enjoy 咁食 …
周圍 , 張張枱都已經換曬人 …
我 … 嘿嘿嘿 ~ 繼續把玩我部 901 ~ 哈哈哈哈 ~ eeepc 901 我愛你 ~ keyboard 就細 d , 係就係唔多習慣 , 不過 , 部機真係唔錯 ~ 哈哈哈哈 ~
文章
0 留言:
發佈留言